أسئلة تقهر

موضوع: أسئلة تقهر 16/9/2007, 6:58 am

السلامـ عليكمـ ورحمة الله وبركاته
شلوونكم شخبااركم ؟؟
بعض اللقافة والكلمات اللي ترفع الضغط
وودك تدوس في بطن اللي قالها
مثــلا :-
أنت بغرفتك منسدح بالسرير ومطفي النور ومتلحف بالبطانيه >>> أحيه يالبرد . . .
يجي أحد أخوانك ويفتح الباب عليك ويقول :- بتنام ! ! !
(( لا أبرقص ,, أكيد أبنام ))

أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- " ييتــوا العزيمـه "
(( لا رحنـــا ,, أكيد يينا وأنت شنو تشوف ))

والعكس :- أنت لابس ثوبك وكاشخ بالشماغ وماشي بالبيت متجه لباب الشارع ,,
أيي أحد من أهلك وينادي بصوت عالي >>> بتطلع ! ! !
(( لابدخل ,, أي أبطلع ))

أو مثلا راكب السياره وشغلت الموتر شوي وتدوس على البنزين يطلع لك واحد ويطق على الدريشة , ,
أنت بكل ذوق تفتح الدريشة وتقوله :- آمر يالحبيب ؟
يقولك :-بتمشي بالسياره ! ! !
(( لا أبفحط وأسوي خمسات . . . . أكيد أنا ماشي ))

مثلا أنتي بالكليه وقمتي من الطاولة عقب ألف سالفه وسالفه يتخللها الحش والضحك
والغشمرة ورحتي عند الباب تلبسين عبايتك . . .
تيي وحده ملقوفه من البنات وتقولك : - فلانه بتروحين البيت ! ! !
(( لا أبطلع برا أشم هواء , , أكيد بروح بيتنا من زين الكليه قاعدة في ستاربوكس ))

مثلا ماسك سماعه التلفون وقاعد تضغط بالأرقام أيي أحد من أهلك ويقولك :-تتكلم بتلفوون ! ! !
((لا بصور معاه جم صوورة تذكاريه , , أكيد بتكلم ))

مثلا :- ماسك مذكرة أو كتاب وقاعد تحفظ ومتحمس . . ياا أحد وقالك :- قاعد تذاكر ! ! !
(( لا أفرش اسناني , , , أي أذاكر ))

أو مثلا تتسبح بالمسبح بالإستراحه أيي واحد من أصدقائك يمر عليك ويقول :- فلان تسبح ! ! !
(( لا أتروش . . . اللي يسمعك ما تشوف أي قاعد أسبح ))

ولا تعالــو شوفو قنواتنا وأسئلتهم البديهيه البايخه . . , ,
برنامج أهداءات يتصل واحد يطلب أغنيه ؟
ترد عليه المذيعه بكل سخافه :- أنت تحب هذي الأغنيّة ! ! !
(( لا ما أحبها بس طالبها أستهبل , , إي أحبها ليش يعني متصل ))

أو مثلا بالعيد يايـيـن يقابلون مع الناس شوفو حواراتهم :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- شنو تقول لأهلك بالعيد ؟ ! ! !
المواطن :- أقولهم كل عام وأنتوا بخير . .
(( أكيد يبي يقولهم هالعباره , يعني شنو تبونه يقول بهالمناسبه ))

والأسخف من هالبديهيات اللي تضيع وقتنا إذا قابلوا مع بزارينا , , ,
يقول المذيع للبزر :- أنت تحب ماما وبابا ! ! !
(( أي يحبهم أجل تبي يقول لا ))

المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتوا طيبين ! ! !
(( لا أبروح أكفخهم وأسوي هوشه , , , أكيد بعايدهم ))

واحد شاايل شنطته ومتجه عند بوابه المطار ويشووفه خويه بالصدفه هلا والله اعلومك اخبارك شنو تسووي في المطار !!
(( أصور مع الطيارة ,, اكييد بسافر ))

موضوع: رد: أسئلة تقهر 16/9/2007, 2:54 pm

ههههههههههه من جد اسئلة تقهر

يسلموووو عاشق ميلان على الطرح الرائع

تقبل مروري ودمت بود

الـبـرنـسـيـسـة

موضوع: رد: أسئلة تقهر 17/9/2007, 5:14 am

العفوو يالبرنسيسه لاعدمناك ولا عدمنا

وجودك وطالتك البهية واسال الله ان
لايحرمنا منك يالبرنسيسه مع تحياتي
عاشق ميلان

موضوع: رد: أسئلة تقهر 17/9/2007, 7:40 pm

كلمات جدا رائعه ومميزه
ابدعت اخي بنقلها

يعطيك العافيه

موضوع: رد: أسئلة تقهر 18/9/2007, 5:57 am

العفوو اخوي الانيق ومشكور على

المشاركه الطيبه لا عدمناك وتقبل

تحياتي لك وخالص امنياتي بالتوفيق

عاشق ميلان