أشيـــاء ترفع الضغـــط بقوووهـ

الأشياء اللي ترفع الضغط كثيرة ومنها ...

• أنك تشرب ببسي حار
• أنك تعطي أخوك سيارتك ... ويرجعها والتانكي فاااضي
• أنك تدخل المسنجر .. وما تلقى أحد متصل ألا اللي ماتبيهم
• أنك تـتـفاهم مع رجل امن سعودي
• أنك تناظر مباراة على الأي آر تي وأنواع الحماااس وفجأة ينقطع ا
لاشتراك
• أنك تلعب كوره وأنت حافي .. وتشوت غطا البياره
• أنك تذاكر تذاكر تذاكر تذاكر وتذاكرر <-- أخلصي .. وبعدين تكتشف أن اللي
ذاكرته مهوب داخل معك في الاختبار
• أنك تعطي جوالك لواحد ويرجعه لك والرسايل محذوفه
• أنك تقوم من صباح الله وتروح للجامعة تمشي مليون .. وتلقى الدكتور
معتذر
• أنك تـَـشرق بمشروب غازي ويطلع مع خشمكـ !!
• أنك معك حزام أسود بالكاراتيه ويدعسك أفغاني
• أنك تغرز بالبر وأنت معك جيب .. ويمر من جنبك دتسن يمشي بشويش ويناظرونك ويضحكون
• أنك تمسك خط مع أبوك وبسيارة وحده ولحالكم ( ههههههههه مو انا العيال )
• أنك تدخل البيت جيعااااان .. وتشوف القدور قدامك وتغرف وأذا جيت
تاكل تلقى الأكل بارد
• أنك تكلم ويدق عليك واحد ويلقاك إنتظار ويقطع
• أنك تتفرج على اجتماع دول مجلس التعاون الخليجي
• أنك تشوف فـلم .. وواحد جنبك يقولك القصة
• أنك تمسك خط وفيه ذباب بسيارتك وأنك تفتح الدريشه ولا يطلع
• أنك تدخل حمام (دورة مياه وأنتم بكرامه ) ماله قفل
• أنك تسوي فيها متابع مع الدكتور وتتوهق ويسألك سؤال وماتقدر تجاوب
_ وانت تاخـــذ شاور والصابون على جسمك وتنقطع المويه.
_ وانت طالع للدوام متأخر .... السيارة متعطله بنشر أو بطاريه.
_ بنشرت سيارتك بعد الظهر في عز الحر والرطوبه بالشرقية.
_ ضيف تذبح له وتعزم الأقارب والأصدقاء ويعتذر عند وقت الوليمه.
_ طالعين كشته وقت الربيع وعند طبخ الغداء ناسين الملح والديرة بعيده.
_ وانت في عز النوم نص الليل يتصل عليك أحدهم غلطان بالرقم بعدين
يطير عنك النوم.
_ تكتب رسالة رومنسيه . إحم . وتختار الكلمات الحلوه مع الأبيات
وتزخرفها وتلونها وعند الإرسال تنمسح
_اذا كان عندك اسهم وارتفع سعرها وتبي تبيع لكن نظام البنك اللي عنده أسهمك متعطل بعدين تنزل الأسعار
_ اذا جيت البيت الساعه 2 بعد الظهر من الدوام وميت جوع ولاهـ مافيه غداء لأن الغاز مخلص
- أن يسألكـ الشخص نفس السؤال أكثر من مرة في فترة قصيرة ..
- أن يسولف عليكـ أحد سالفة سولفها عليكـ هو نفسه أمس .. أو تقول له أعرف السالفة ويباقي كمل !!!
- اذا كنت مستني مباراهـ واذا جا وقتهاا تروح تفتح التلفزيون تلقاه على mbc3 والريموت ضايع
والرسيفر ما يغير..
-اذا كنت في سابع نومه ويدق الجرس ومافيه غيرك في البيت تقوم وتشوف مين تلقاهم عيال الجيران يستهبلون..
-انك تقوم من النووم وتلقى اهلك كلهم طالعين وتاركينك لحالك<<<< هذي قد صارت لي.. خخخ
بس فلللله خخخخ فتحت التلفزيوووون واعلىىى صوووووت محد يهاوش خخخخخخخ
-انك تلعب كيرم وتاخذ الخمسين شوي يجيك واحد ويلقب الطاوله ويقولك بلا ازعااج <<< حتى هذي قد صارت لي خالتي قلبت الدنياااا قمت انا من القهر سوييييت انوااع الازعاجاااات
-انهم ما يخلووون السبت هذا اجازه مع الاحد اجازه يوم وطني
- ان يمسكك المدير ويهزئ فيك وبالاخير تطلع براءهـ
-انك تشرب عصير يعجبك طعمه وبالاخير يطلع منتهيه صلاحيته
-انك تشخص لابس ثووب وشمااغ مستعجل بتروح زواج واحد غالي عندك شوي يجيك بزر متروش بـ(مرقوق) ويجلس فوقك ويقوول بتروح الزوااااج....!!

وبسسسسس

ان شاءلله استمتعتوووا
تشااااااو